Lily Ow

      睇完《史瑞克4》好有感触，因为里面反映左好多现代人嘅生活状况——生在福中不知福！

     有时候生活就系咁，周而复始，每日重复做同一样嘢：上班、落班、凑仔囡、做家务……慢慢变得越黎越冇私人空间，忙碌、琐碎、烦闷，甚至有时候觉得讨厌，当尼种情绪越黎越强烈嘅时候，就会好似史瑞克咁，好想逃避，想返到以前……经历一段波折，最后发现，原来宜家尼种生活状态，系最好嘅！

       系现实生活中，我地冇办法可以返到过去，所以感受唔到“宜家先系最好”尼种感觉，但史瑞克嘅故事

          睇左今年以来觉得最无聊嘅电影《志明与春娇》，虽然睇嘅时候觉得无聊，但其实每部电影都带俾我一D信息，而距地嘅故事，其实自己都好有感觉：春娇为左志明鼓起勇气从个度搬出黎，但最后，志明却忽冷忽热，令对方感觉到自己咁做系咪多余、系咪无谓……点解有时候D男人就系可以将女人为自己付出嘅视而不见呢？

        两个人系咪一起就好似玩橡筋，边个唔愿意放手，边个就系最痛个个，冇错，该走嘅唔该留，该留嘅，亦唔会掉低你走……BYE~

       回忆起某件事，知道塔罗牌准，所以自己买左套黎学，今日测左一下，实在太不可思议，点解可以咁准！！！

       问左某个问题，距居然可以讲到我同某人嘅性格，点解会出现宜家嘅状况，目前我遇到点样一个问题，以及解决嘅方法，实在太神奇啦！

      讲到测每日运程，琴晚测嘅结果，居然同琴日发生嘅某D事不谋而合，真系神奇！

      真系好耐好耐冇系尼度发牢骚啦，今晚，就写返几句：

      犹豫左好耐，最后，终于将06年至今嘅日记全部删晒，当然，冇备份，依家啉返，都唔知啱，定系错，里面有太多回忆，我一生人之中，行得最错就系06年个年，内心挣扎左好耐，最后，行左一条冇得返转头嘅路。亦系从个年开始，我学识自我调节、学识凡事都要靠自己、学识坚强……日记里面，太多需要永远记住，时刻警惕自己嘅，亦有太多需要忘记嘅，删晒嘅主要目的，当然，就系唔想俾人知道，唔想俾人睇到。

      

今日中午接到阿妈嘅电话，话大伯仙游左，阿妈话：“今年一年戴三次孝，真系黑仔。”系啊，今年送走左三个亲戚，最后生个个只系25岁，年纪最大个个都只系70岁，人生无常，今日唔知听日事。

        不过，大伯嘅事却令我深有感触，人生匆匆几十年，生几多仔囡都好，到最后陪自己行最后一程嘅就系老婆，最后最照顾自己嘅，都系老婆，但后生嘅时候，大家都唔会珍惜，都会成日系度嘈，到老啦，先知道个中道理……